2014.06.15
@嘉道理農場
- - -
星期日
表姐考完試，約好可以一齊去玩
但見到面又唔知去邊
見天氣唔熱，有人提議去嘉道理農場
都好，思思都好耐冇去啦
玩即興，冇車位
諗住我哋先係門口落車，爸爸自己去搵位泊
有保安員行過來問有冇訂車位，答冇後
"有個車主book咗，仲有5分鐘就夠鐘，你係度等等，
如夠鐘都唔見佢就畀個車位你"
哇...向來鬼仔嘅爸爸，今日有運行啦
爸爸等車位，我哋先入場
今日好少人，可能因受天氣影響
天陰陰想落雨
未講行程前，講下題外話
今日之行
我諗最大得益應該係山上的一眾餓蚊
就算我哋不停噴防蚊油，自己都覺得全身蚊油味
但都阻唔到被蚊追住咬
"好痕呀﹗好痕呀﹗...."
最傷係大表姐，第二係我啦(思思媽)
唉﹗咬 / 吸血都唔緊要，可唔可以冇咁痕呀。痕，真係好辛苦
入場卷
這身打扮比較適合去party @_@
下次都係問清楚去邊先換衫
我家三姐妹，都叫相親相愛 (唔嘈交時^^)
大花白豬
記得細個成日係午餐肉罐上見到佢張相(依架好似冇咗)
佢可以話係陪住思思媽長大
細個婆婆要返工
一日2餐都自己搞掂
食佢就最方便啦
煎香送飯送麵都好好味
上次見一隻，今次就多了幾隻
聽個農場EE話
之前那隻太老上了天堂
現有嘅係上年尾新到
這種豬太多肥膏少人食
所以冇乜人肯養，真係買少見少啦
但佢地個樣肥DO DO，好可愛，希望唔會絕種啦
鹿
扮鹿。。。
大合照
要個個都望鏡頭真係好難
開心位。玩溪水
思思媽都有放腳落水浸下，真係好涼爽
玩完水
入昆蟲館參觀
有昆蟲成長記錄，標本
講真，思思媽對入面個佈置驚驚地
燈光昏暗，四周都係昆蟲標本
繼續向山上行
沿途有好多特別植物
第一次見下圖葉
葉上有一個個黃色細圈，初時以為係葉紋
但反轉睇原來黃色嘅係種子
可能驚吹風雨打容易跌，所以收藏係葉底
大自然，果然有佢生存之道
淺紫色花
美女與花....哈哈哈
思思 "睇下我幾型。" <<<真實對白
(乜女仔唔係想靚咩?)
繼續 '型'
玩完溪水，再玩水頭水
(浪費食水)
溪水幾清都唔夠膽用來洗臉，水頭水就唔同，洗完，舒服晒
累了。。。
丐幫女揸fit人.....
放假出走郊外，人都精神咗
周圍都係樹，綠色，總好過係係市區同自由行迫
希望繼續保留多些郊外地方
等大家假期唔使外遊都可以透透氣
邊行邊玩，到半山啦
但見天黑黑想落雨，都要返轉頭較穩陣
臨走時入了農場小賣店行
思思$10買了棵小小怕羞草
門口有畫畫活動，畫農場內見到嘅嘢
又齊齊動動腦動動手
認真樣。。。吸引嗎?
思思作品....(鹿)
~~~ 畫完畫。下次見啦 ~~~
