1st 換牙
* * * * * *
6yrs7mths，思思終於換第一隻牙啦。
思思一直好抗拒換牙，一提起換牙就呱呱叫，話好鍾意自己的BB牙，唔想換...
老實講，媽媽都好唔捨得D咁可愛嘅BB牙。(婆婆叫老鼠仔牙，細細隻)
思思算係遲換牙喇，好多朋友仔都換了1-2隻。
其實，隻牙郁咗一排，新牙直情係入面出埋。但佢點都唔畀人掂隻舊牙，一來唔想換(拖住)，二來怕痛，話要等自然甩喎。
今日放學，思思打電話來話有surprise畀我。(扮神秘)
原來係隻牙自己甩咗 (俗語話 "果子熟透自然會落"..有道理)
話說，放學坐地鐵時，隻牙跌咗出來，思思眼明手快係地執返。話要儲起隻牙仔。
沖涼時，見到校服有血跡。好奇問下 "流血驚唔驚?" ，"唔驚。好少之嘛。唔痛。" (夠勇)
"換牙，即係大個女啦﹗"(媽媽話)
******************
第一隻，自然甩嘅BB牙
(牙頭位置有少少血 @_@)
叫思思儘量用脷頂佢出來，拍齊。希望成功啦。
加油!
