黃昏拙蜆@水口村

2014.10.02
黃昏拙蜆@水口村

* * * *
一連五日假期 (10月1 日-10月5日)，爽呀﹗
9月升小學後，每日圍繞著功課，默書，測驗.....
雖則假期越長功課越多，但都要輕鬆下插足電，再努力過....

今日會同表姐一齊去掘蜆(講咗好咗但都未去過)。思思一早打電話去問表姐出發時間，但原來表姐要學琴。只好邊做功課邊等，2pm，仍未通知，心諗，今日應該去唔成啦 (失望)
 
到2:30pm，表姐打來 "我哋上咗巴士啦" (太突然了)

即刻9秒9換衫，執行裝，衝去巴士站.......(從未咁快可以出到門口...哈哈哈)

巴士，點解你今日行得咁慢架........ 最激氣係，竟然東涌落錯車，要步行30分鐘先到去大澳巴士站， 永遠係最趕時間時，最多延誤，晏上加晏....但要讚下思思好合作，全程急步行夾跑，辛苦晒﹗

入到東涌已經4:45m，5:00轉坐大澳巴，5:30pm到目的地............水口村

夕陽西下，拖著思思行田邊小灣曲，四周無人，越行越驚，越驚越急.....15分鐘，終於見到海邊，見到表姐們啦....放鬆晒﹗

講真，小朋友係玩水泥多過拙規，不過，只要你哋開心，做乜都無所謂啦....

深秋時分，日短夜長，6pm個天已經黑沉沉.....

周圍又冇燈，舉目無人，加上要行10分鐘小路(零路燈)先返到村口，唔想摸黑行，快走人。。

3個小朋友叫極都唔想走，玩得30分鐘，老實講，我都唔係好願走....

應承你哋好快再來掘(玩)過...OK!

* * * 

出發。黃昏的青馬大橋

天黑啦。仲有心情玩自拍

我地仲係青馬大橋，就收到下面張相....
表姐話我哋太遲，先入去掘住等我哋...嗚嗚嗚
這刻，心內不禁埋怨 
"巴士，你行得太慢了"

就係下面條小路，2邊到係樹，人影都冇個
我&思思越行越快 (我，驚，行快。思思，心急玩，行快)
同一條路，不同心情...哈哈哈

網上朋友話，著水鞋方便。
到時先發覺係十分不方便，要除鞋落水
走時成腳沙濕立立，好辛苦先可以著返對水鞋.....笨了。
下次記得著拖鞋來

終於天未黑前趕到....

儘情玩吧......(30分鐘後走)

掘蜆，要輕輕翻開泥，慢慢搵，考耐性

對佢3個來講，屬高難度活動

最後，將掘蜆轉型為執貝殼

冇問題，只要你哋開心

 

收成。。。

寄居蟹

泥灘。表面好似洗衫板條紋
究竟點形成呢?

~~~下次見~~~