1st Term 成績@P1
- - -
自從思思9月上小學生後
日常生活就被默書、測驗、考試....等填滿
有辛苦時 有閙情緒時 有氣餒時
但總算慢慢適應下來
老實講 比我預期中好得多
甚感欣慰
記得第一次 test後
媽媽向老師打聽成績
老師："比我預期中差左少少。" (聽完，心確實冷一冷)
媽媽："佢冇考試經驗，今次算係第一次，及格就可以了。"
老師："媽媽，你要求太低了，只求及格係唔乎合標準的。"
媽媽："哦。會再努力。" (滴汗)
呆等結果
終於到了家長日 可以拎成績喇
今次派爸爸獨自上陣
上班途中收到爸爸Whatsapp
"思思拿到全班全級第一名"
重覆睇了好多次 冇眼花 冇睇錯
太太太太太............意外了
2個月後 再來上學期考試
有了上一次經驗
今次溫習進度較上次快了 輕鬆了
每日考完試
思思都會大概講一講內容
思思："今日有D難，有D唔識" 或 "今日好容易，識做晒"
媽媽："唔緊要，只要儘力就可以了。下次再努力。"
思思："我已經儘力啦。但我好想再攞第一。"
媽媽："媽媽知思思好比心機，已經好開心啦﹗" (講真，我係信奉開心學習形)
思思："多謝媽媽咁辛苦陪我溫習，我會努力﹗" (爆窩心)
思思一向對自己都好有要求的
對自己有要求係好事
但唔好令自己有太大壓力
現在才剛開始 未來還有無數次考試等著 只會越來越難
今次冇得見家長
成績由思思帶回家
前一晚
"媽媽，今次有D難，我諗我攞唔到第一次了。" (正傻豬)
成績到手啦.....非常滿意
"My girl, we are proud of you."
繼續努力﹗
沒有留言:
張貼留言